Necə etməli?

• Taksit: Partnyor mağazalarda ödəniş məbləği faizsiz şəkildə aylara bölünür;
• Birdəfəlik: İstənilən yerdə birbaşa ödəniş mümkündür;
• Ninja təklif: Qeyri-partnyor mağaza və ya saytda ödəniş etdikdə sizə təsadüfi olaraq taksit təklifi göndərilir. Təklifi qəbul etdikdə ödəniş məbləğini aylara bölə bilərsiniz.

“Taksit” əməliyyatı — partnyor mağazada etdiyiniz alış-verişin məbləğinin faizsiz olaraq aylara bölünməsidir.

Məsələn: 1200 AZN xərclədikdə məbləği 6 aya bölərək hər ay 200 AZN ödəyə bilərsiniz.
Ödənişlər alış-veriş ayı başa çatdıqdan sonra, hər ayın 1-dən 10-na qədər həyata keçirilməlidir.

“Birdəfəlik ödəniş” — partnyor və ya qeyri-partnyor mağazada etdiyiniz xərcləməni bir dəfəlik ödəməkdir. Bu zaman sizə 63 günədək faizsiz güzəşt müddəti təqdim olunur.

Məsələn:
01.09.2023 tarixində etdiyiniz xərcləməni, növbəti ayın son gününədək (yəni 31.10.2023) faizsiz şəkildə ödəyə bilərsiniz.
Eyni qayda 08.09.2023 və digər tarixlər üçün də keçərlidir — əsas şərt: növbəti ayın son gününədək ödənişi tamamlamaqdır.
Əgər son ödəniş tarixi qeyri-iş gününə düşərsə, növbəti iş gününədək ödəmək mümkündür.

“Ninja təklifi” — partnyor olmayan mağaza və ya saytda taksit kartı ilə etdiyiniz ödənişi komissiya qarşılığında aylara bölmək imkanıdır.
Bu təklif həm ölkədaxili, həm də ölkəxarici alış-verişlər üçün keçərlidir.

Necə istifadə edə bilərəm?

• Ödənişdən sonra təklif sizə SMS ilə və ya Birbank tətbiqinin “Ninja” bölməsində göndərilir.
• Təklifi 24 saat ərzində təsdiqləməlisiniz.
• SMS vasitəsilə təsdiq etmək üçün 2149-a cavab mesajı göndərmək kifayətdir.
   

Komissiya məbləği:

• 2 ay – 4.5%
• 3 ay – 6%
• 6 ay – 10%
• 12 ay – 17%
   

Təklifin göndərilməsi üçün ödəniş məbləği aşağıdakı kimi olmalıdır:

• 40 – 199.99 ₼: 3 ay
• 200 – 599.99 ₼: 6 ay
• 600 ₼ və üzəri: 12 ay
   

💡Birbank mobil tətbiqində istənilən məbləği sizə uyğun olaraq 2, 3, 6 və ya 12 ay olmaqla bölə bilərsiniz.

QEYD: Təklifi təsdiqlədikdən sonra əməliyyat Birbank mobil tətbiqinin “Şəxsi kabinet” bölməsində ən gec 10 gün ərzində əks olunur. Əks olunmazsa, 196 Əlaqə Mərkəzinə və ya Onlayn Çata müraciət edə bilərsiniz.